AL-HAU24news

Daga Wakilin Mu Suleiman Abubakar MAPSA


Cif Isaac Danladi, babban ɗan takarar jam’iyyar APC a zaɓen kananan hukumomi da ke tafe a Jihar Nasarawa, ya yi alkawarin farfado da ƙaramar hukumar Karu idan aka zaɓe shi.

Yayin da yake jawabi ga manema labarai bayan sayen fom ɗin takararsa, tsohon sakataren dindindin ya jaddada cewa ƙaramar hukumar Karu na cikin mawuyacin hali kuma tana buƙatar jagora mai gaskiya da ƙwarewa don dawo da martabarta.

Danladi, wanda yake da ƙwarewa a matsayin babban akawun na ma’aikata, ya tabbatar da cewa yana da kwarewar da ake buƙata don sarrafa kuɗaɗen da za su shigo ƙaramar hukumar cikin hikima da nagarta don amfanin al’umma.

Yana da tabbacin cewa zai iya sarrafa dukiyar da ake samu da kyau, yana mai cewa, “Ina da tsari mai kyau da shirin bunkasa Karu.”

Danladi ya nuna cewa ci gaban ababen more rayuwa da cigaban bil’adama sune manyan ayyukan da zai fifita idan ya zama shugaban ƙaramar hukumar.